rençonner

Rençonner et piller aucun, Concutere aliquem.

Rençonner, actif. ac. Est aussi se delivrer de captivité et de peril par rençon qu'on offre. Nicole Gilles en la vie de Charles V. Et furent ceux d'Espernay si pressez, qu'ils furent contraints bailler la ville, et rençonnerent leurs corps, et la ville de brusler, de deux mille francs d'or: Car rençonner proprement est mettre aucun à rençon: ce qui est du droict et faculté du preneur, et non du prisonnier. Nicole Gilles en ladicte chronique parlant de Bertrand du Guesclin {{o=Gueselin}} prisonnier de guerre du prince de Galles: Sire (respondit Bertrand) vous sçavez que je suis un povre chevalier, etc. Si me vueilliez mettre à gracieuse rençon. Or vous, advisez (dit le prince) combien vous me donnerez, car je vous fais juge de vostre cause mesme. Sire (dit Bertrand) je vous mercie, etc. Et puis que de ma rençon m'avez fait juge, je vous donneray cent mille doubles d'or. Aussi c'est au preneur de guerre de mettre à mort ou sauver la vie à son prisonnier d'armes. Tite Live au premier livre: Iam primum omnium satis constat Troia capta in caeteros saeuitum esse Troianos, AEnea Antenoreque et vetusti iure hospitij, et quia pacis reddendaeque Halenae semper auctores fuerant, omne ius belli Achiuos abstinuisse. Si ce n'est que les generaux des armées commandent la vie estre sauvée à tels prisonniers pour estre mis à rençon, ou bien rendus selon le $, Serui. Instit. De iure personar. Rençonner se prend aussi hors le fait de guerre, pour induëment extorquer argent, ou autre chose d'aucun. Ainsi on dit l'officier, sergent, exacteur de subsides, qui sont concusseurs, rençonner le peuple, qu'on dit aussi faire concussions sur les menuës gens. De laquelle signification vient ce mot Rençonnement, qui est mot de crime et reproche. Là où rençon est un mot de droict militaire.

Thresor de la langue françoyse. Jean Nicot.